ಥಿಂಕ್ ರೈಟ್ | Think Right

ನಮ್ಮ ಬದುಕಿನುದ್ದಕ್ಕೂ ನಾವು ಸಾಗುವ ಹಾದಿಯಲ್ಲಿ ಸಿಗುವ ವ್ಯಕ್ತಿಗಳು, ನೋಡುವ ಸ್ಥಳಗಳು , ಮತ್ತು ಆಗುವ ಅನುಭವಗಳು ವಿವಿಧ ರೀತಿಯಲ್ಲಿ ನಮಗೆ ಜೀವನದ ಪಾಠ ಕಲಿಸುತ್ತವೆ. ಆ ಪಾಠಗಳು ನಮಗೆ ಸರಿಯಾದ ಸಮಯದಲ್ಲಿ ಸರಿಯಾದ ಆಲೋಚನೆ ಮಾಡುವ ಶಕ್ತಿ ಕೊಡುತ್ತದೆ. ಈ ಶಕ್ತಿ ನಮ್ಮ ಬದುಕಿನ ಎಲ್ಲ ಪ್ರಮುಖ ಘಟ್ಟಗಳಲ್ಲಿ ನಿರ್ಧಾರಗಳನ್ನು ತೆಗೆದುಕೊಳ್ಳುವ ಧೈರ್ಯ ತುಂಬುತ್ತದೆ.

…..ಶ್ರೀ

ಹೊಸ ಬರಹಗಳು 

ನ್ಯಾನೋ ಕಥೆಗಳು

ಐಸ್ ಕ್ರೀಮ್ ಉರಿ ಬಿಸಿಲಲ್ಲಿ ರಸ್ತೆ ಬದಿಯ ಚರಂಡಿ ಕಾಮಗಾರಿಯಲ್ಲಿ ವ್ಯಸ್ತಳಾಗಿದ್ದ ತಾಯಿ, ಆಗಾಗ ಮಣ್ಣಿನ ಗುಡ್ಡೆಯ ಮೇಲೆ ಆಟವಾಡುತ್ತಿದ್ದ ಅವಳ ನಾಲಕ್ಕು ವರುಷದ ಮಗನ ಕಡೆಗೆ ನೋಡುತ್ತಾ ಕೆಲಸ ಮಾಡುತ್ತಿದ್ದಳು. ರಸ್ತೆಯ ಇನ್ನೊಂದು ಬದಿಯಲ್ಲಿದ್ದ ಐಸ್ ಕ್ರೀಮ್ ಅಂಗಡಿಗೆ ಇನ್ನೊಂದು ತಾಯಿ ತನ್ನ ಪುಟ್ಟ ಮಗನನ್ನು ಕರೆದುಕೊಂಡು ಬಂದು ಐಸ್ ಕ್ರೀಮ್ ಕೊಡಿಸಿದಳು. ಐಸ್ ಕ್ರೀಮ್ ಕೈ ಯಲ್ಲಿ ತೆಗೆದುಕೊಂಡು ಇನ್ನೇನು ತಿನ್ನಬೇಕು ಅನ್ನುವಷ್ಟರಲ್ಲಿ ಕೈಯಿಂದ ಜಾರಿ ನೆಲಕ್ಕೆ ಬಿತ್ತು. ಅದನ್ನು ತೆಗೆದುಕೊಳ್ಳಲು ಬಗ್ಗಿದ ಪುಟ್ಟ … Continue reading ನ್ಯಾನೋ ಕಥೆಗಳು

ನೀವು ಪ್ರಯತ್ನಿಸಿ..

ಇಷ್ಟವಾಯಿತೇ?  ಮೆಚ್ಚುಗೆ ಸೂಚಿಸಿ  ಪ್ರೀತಿ ಹುಟ್ಟಿತೇ? ಅದನ್ನು ವ್ಯಕ್ತ ಪಡಿಸಿ  ಕೋಪ  ಉಕ್ಕೀತೆ ?  ಕೊಂಚ  ತಾಳ್ಮೆ ವಹಿಸಿ  ಕನಸು ಹುಟ್ಟಿತೇ? ಅದನ್ನು ಗುರಿಯಾಗಿಸಿ  ಅವಕಾಶ ತಪ್ಪಿತೇ ? ಅವಸರಿಸದೆ ಸ್ವಲ್ಪ ನಿಧಾನಿಸಿ  ಸಮಸ್ಯೆ ಎದುರಾಯಿತೇ?  ಹಿಂಜರಿಯದೆ ಎದುರಿಸಿ  ಸೋಲಾಯಿತೇ?  ಪ್ರಯತ್ನ ಮುಂದುವರಿಸಿ  ಗೆಲುವಾಯಿತೇ? ನಿಲ್ಲದೆ ಮುಂದೆ  ಚಲಿಸಿ  ದುಃಖವಾಯಿತೇ ? ಸಾಂತ್ವನ ಪಡಿಸಿ  ಸಂತೋಷವಾಯಿತೇ? ಆ ಕ್ಷಣವನ್ನು ಅನುಭವಿಸಿ  ದ್ವಂದ್ವ ಹುಟ್ಟಿತೇ ?  ಆಲೋಚಿಸಿ  ದಾರಿ ಮುಚ್ಚಿತೇ ? ಹಿರಿಯರೊಡನೆ ಸಮಾಲೋಚಿಸಿ  ಜವಾಬ್ಧಾರಿ ಹೆಚ್ಚಿತೇ? ಸಂಭಾಳಿಸಿ ಮತ್ತು ನಿಭಾಯಿಸಿ  ಅಸೂಯೆ ಹುಟ್ಟಿತೇ? ಕೂಡಲೇ  ಸಾಯಿಸಿ  ಅನುಮಾನ ಹುಟ್ಟಿತೇ? … Continue reading ನೀವು ಪ್ರಯತ್ನಿಸಿ..

ಅಭ್ಯಾಸ ಇಲ್ಲಾರಿ !!

ನನ್ನ ಊರಿನಲ್ಲಿ ನನಗೆ ಬಹಳ ಬೇಕಾದ ಹಾಗು ಒಳ್ಳೆಯ ಸ್ನೇಹಿತ ಇದ್ದ.  ಆತ  ಬಹಳ ಸಂಕೋಚದ ಸ್ವಭಾವ ಹಾಗು ಮೃದು ವ್ಯಕ್ತಿತ್ವದ ಮನುಷ್ಯ.   ಏನಾದರು ಕೇಳಿದರೆ ಇಲ್ಲ ಅನ್ನಲು ಆಗದೆ,  ಇಲ್ಲ ಅಂದರೆ ಬೇಜಾರು ಮಾಡಿಕೊಂಡರೆ ಏನಪ್ಪಾ ಗತಿ ಎಂದು   ” ಅಭ್ಯಾಸ ಇಲ್ಲಾರಿ” ಅಂತ ಹೇಳಿ ಜಾರಿಕೊಳ್ಳುತ್ತಿದ್ದ.  ಒಂದು ದಿನ ನಾನು, ಆತ  ಮತ್ತು ಬೇರೆ ಸ್ನೇಹಿತರ ಜೊತೆಯಲ್ಲಿ ಬಟ್ಟೆ ಖರೀದಿಗೆ  ಪೇಟೆಗೆ ಹೋಗಿದ್ವಿ.  ಬಟ್ಟೆ, ಬ್ಯಾಗ್,  ಶೂಸ್.. ಹೀಗೆ ಶಾಪಿಂಗ್ ಮಾಡುತ್ತಾ ಇದ್ದಾಗ, ನನ್ನ ಇನ್ನೊಬ್ಬ ಸ್ನೇಹಿತ  ಎದುರುಗಡೆ ಸಿಕ್ಕ ಒಂದು ಅಂಗಡಿಯ ಒಳಗೆ ಹೋದ. … Continue reading ಅಭ್ಯಾಸ ಇಲ್ಲಾರಿ !!

ಪೂಜಾರಿ ಕೊಟ್ಟರು ಮಾಸ್ಕ್ ಬಿಡಲಿಲ್ಲ

ಬಹಳ ತಿಂಗಳುಗಳ ನಂತರ ನೆದರ್ಲೆಂಡ್ನಲ್ಲಿ ನನಗೆ ದೇವಸ್ಥಾನಕ್ಕೆ ಹೋಗುವ ಅವಕಾಶ ಕೂಡಿಬಂತು.  ನೆದರ್ಲೆಂಡ್ನಲ್ಲಿ  ನಾನು ವಾಸಿಸುವ ಸ್ಥಳದ ಹೆಸರು  ಐಂದೋವೆನ್.   ಈ ಸ್ಥಳದಲ್ಲಿ ನಮ್ಮ ಭಾರತದ ಶೈಲಿಯ ದೇವಸ್ಥಾನವಿಲ್ಲ.   ಈ ಶೈಲಿಯ  ದೇವಸ್ಥಾನ ನಮಗೆ ಹತ್ತಿರ ಅಂದರೆ,  ನಾನಿರುವ ಸ್ಥಳದಿಂದ ಸುಮಾರು ಅರವತ್ತು ಕಿಲೋಮೀಟರು ದೂರದಲ್ಲಿರುವ  Roermond ಎಂಬ ಊರಿನಲ್ಲಿದೆ.  ಅಲ್ಲಿರುವುದು ಮುರುಗನ್ ದೇವರ ದೇವಸ್ಥಾನ.  ದೇವಸ್ಥಾನ ಅಂದ ಕೂಡಲೇ ನಮ್ಮ ಊರುಗಳಲ್ಲಿ ಕಾಣುವ ಹಾಗೆ ದೊಡ್ಡ ಗೋಪುರ ಇರುವ ದೇವಸ್ಥಾನವಲ್ಲ.  ನೆದರ್ಲೆಂಡ್ನಲ್ಲಿ ಆ ರೀತಿಯ ದೇವಸ್ಥಾನ … Continue reading ಪೂಜಾರಿ ಕೊಟ್ಟರು ಮಾಸ್ಕ್ ಬಿಡಲಿಲ್ಲ

ನಿಯತ್ತು

ಮೊದಲು ಈ ಮನೆಯ ನಾಯಿಗೆ ಪಕ್ಕದ ಮನೆಯ ನಾಯಿಯನ್ನು  ಕಂಡರಾಗುತ್ತಿರಲಿಲ್ಲ.  ಕಂಡಾಗೆಲ್ಲ ಬೊಗಳಿ ಸಿಟ್ಟು ತೀರಿಸಿಕೊಳ್ಳುತಿತ್ತು.  ಮನೆಯ ಮಾಲೀಕ ಪಕ್ಕದ ಮನೆ ಹೆಂಗಸಿನ  ಜೊತೆ ಅಕ್ರಮ ಸಂಭಂದ ಬೆಳಿಸಿಕೊಂಡ ಮೇಲೆ,  ತನ್ನ ಮನೆ ಮಂದಿಯೆನ್ನೆಲ್ಲಾ ಬಿಟ್ಟು ಆ ಮನೆಗೆ ತನ್ನ ನಾಯಿಯ ಜೊತೆಗೆ ಹೋಗಿ ನೆಲೆಸಿಬಿಟ್ಟ.   ಮಾಲೀಕನ ಜೊತೆ ಹೋದ  ಈ  ನಾಯಿ,  ಆ ಮನೆಯ ನಾಯಿಯನ್ನು ನೋಡಿ ಬೊಗಳುವುದನ್ನು ನಿಲ್ಲಿಸಿ,  ಬಾಲ ಅಲ್ಲಾಡಿಸಲು ಶುರು ಮಾಡಿತು.  ಸ್ವಲ್ಪ ದಿನಗಳ ನಂತರ ಮಾಲಿಕನಿಗೆ  ಅಕ್ರಮ  ಸಂಬಂಧ ಸರಿ ಬರದೇ  ಆ ಮನೆ ಬಿಟ್ಟು  ಈ  ನಾಯಿಯನ್ನು … Continue reading ನಿಯತ್ತು

ದುರಾಸೆ

ಘನ ಘೋರ ಯುದ್ಧ ನಡೆಯುತ್ತಿತ್ತು. ಸಾವಿರಾರು ಜನ ಆ ಯುದ್ಧದಲ್ಲಿ ತಮ್ಮ ಪ್ರಾಣ ಕಳೆದುಕೊಳ್ಳುತ್ತಿದ್ದರು.  ಆ ಯುದ್ಧದಲ್ಲಿ  ಅನೇಕ ಸೈನಿಕರು ಸಾಯದೆ,  ಕೈ, ಕಾಲು ಕಳೆದುಕೊಂಡು ಗಾಯಗೊಂಡು,  ಯುದ್ಧ ಭೂಮಿಯಲ್ಲೇ  ಬಿದ್ದು ಸಾವು ಬದುಕಿನ ಮದ್ಯೆ ಹೋರಾಡುತ್ತಿದ್ದರು.  ಪ್ರತಿ ದಿನ ಯುದ್ಧ ವಿರಾಮ ಘೋಷಿಸಿದ ಮೇಲೆ  ಅಂತಹವರನ್ನು  ಕರೆದುಕೊಂಡು ಬಂದು ಅವರಿಗೆ ಶೂಶ್ರುಷೆ ಮಾಡಲು ರಾಜ ಒಂದು ತಂಡವನ್ನು ರಚಿಸಿದ. ಆ ತಂಡವು ದಿನವೂ ಯುದ್ಧ ಭೂಮಿಗೆ ಹೋಗಿ ಅಂತಹವರನ್ನು ಹುಡುಕಿ ಅವರನ್ನು ಅಲ್ಲಿಂದ ಕರೆದುಕೊಂಡು ಬಂದು ಅವರಿಗೆ ಬೇಕಾದ ಚಿಕಿತ್ಸೆ ಸಿಗುವಂತೆ ನೋಡಿಕೊಳ್ಳುತ್ತಿದ್ದರು.   ಇತ್ತ ಯುದ್ಧ  ಮಾತ್ರ ಮುಂದುವರೆಯುತ್ತಲೇ … Continue reading ದುರಾಸೆ